Dars Highlights:
Download Dars-6 (MP3 Format)
Download Dars-6 (Original Recording)
Dars conducted on: 18th February 2015
POINT NO. 11
"Taalib e ilm ko lagw, fuzool, gair munasib baton aur majliso se bachna chahiye."
Aisi cheez jisme koi faaidah nahi lagw me shaamil hain, bhale hi us cheez me koi buraai na ho.
Aisa naujawan shakhs jo apni zindagi ko lagw, fuzul cheezo se bachaye rakhe aur ibbadat me guzare, qayamat ke din Allah ke Arsh ke saaye me jagah payega Insha Allah.
Taalib e ilm ka waqt zaaya karna shaitaan ko bahut hi zyada pasand hai.
POINT NO. 12
"Taalib e ilm ko haishaat se aeraaz karna chahiye"
"Haishaat" ka maana: Bakwaas, gair zaroori batein, be sar-pair ki baatien, be waqt ki baatien, fitnah, ye sab haishaat ke maana me daakhil hain.
POINT NO. 13
"Taalib e ilm ko bahut zyada narm hona chahiye"
Baatcheet me, zabaan me, akhlaaq me, usloob me, andaaz me algaraz har mas'ale me taalib e ilm narmi ikhtiyaar kare, sakhti se kaam na le.
Hadith: Allah ke nazdeek sabse badtareen shaksh woh hai jiske sharr se, fahhashi se, bad zabaani se log usse door bhaage. (Bukhari)
POINT NO. 14
"Taalib e ilm ko gaur o fikr karni chahiye"
Gaur o fikr ka mafhoom: Tadabbur karna, uska taaluk aqal aur soch se hai, magar apne aqal ka istemaal sirf Allah aur uske rasool ki baat ko samajhne me istemaal kare, limit cross na kare, apne muraad se na samjhe balki Allah aur uske rasool ki baato ko samajhne me gaur kare.
Taalibe ilm Koi baat kare toh pehle usko naap le, soche ki kya anjaam ho sakta hai, jaan le ki baat achhi hai ya buri
Takabbur, guroor ki baatein ho toh us baat ko zabaan se na nikale.
POINT NO. 15
"Taalib e ilm ke andar sawaad aur tasabbut paida hona chahiye."
Sawaad ka maana: Saabit qadam rahna, ilm haasil karne me jame rahe, uktaahat nahi honi chahiye.
Tasabbut ka maana: Tahqeeq, confirmation. Taalibe ilm Koi baat kehne ya karne se pehle uski tahqeeq kar liya kare.
-- Majalisul-ilm Admin
No comments:
Post a Comment